مدینے کی ہوا نے جو معطر کر دیا مجھ کو

 مدینے کی ہوا  نے جو   معطر  کر  دیا  مجھ کو        

عطا  کی نسبت  کملی  مطہر کر  دیا  مجھ  کو

میرے لفظوں کو جو  بخشی گئ الہام  کی منزل

بنا  کر نعت  گو  عالی  مقدر  کر  دیا   مجھ  کو

بنام مصطفی ﷺ اک  بار  بس  پیغام  بھیجا  تھا 

چراغ  راہ  پیمبرﷺ   نے  منور کر  دیا  مجھ  کو 

میری خانہ بدوشی جا کے سمٹی خاک طیبہ میں 

بقیع کی خاک سے جڑ  کر مفخر  کر دیا مجھ کو

زہے قسمت کہ میرے  پاوں میں جنت  اٹھا  لائے 

مصغر صنف تھی میری  مکبر  کر  دیا  مجھ  کو

وجود خاک ہوں چاہت تھی میری عشق کا سجدہ 

نگاہ   سبز   گنبد   نے  قلندر  کر   دیا   مجھ   کو 

مقدر میں یہ تھا کہ اک مصور  نعت  گو  ہو  گی 

زہے  قسمت کہ آخر وہ  مصور کر  دیا  مجھ  کو

✍سیدہ مصور صلاح الدین