دل جن کو ڈھونڈتا ھے نہ جانےکہاں گئے
خواب و خیال سے وہ زمانے کہاں گئے ؟
مانوس بام و دَر سے، نظر پُوچھتی رہی
ان میں بسے وہ لوگ ، پرانے کہاں گئے ؟
اس سرزمیں سےتھی جومحبت وہ کیاهوئی
بچوں کے لَب پہ تھے جو ترانے، کہاں گئے ؟
اپنی خطا پہ سر کو جھکایا هے آج کیوں
اَز بَر جو آپ کو تھے ، بہانے کہاں گئے ؟
پتھر سماعتوں سے ، زباں گنگ هو گئی
هم بھی گئے تو حال سُنانے کہاں گئے ؟
بےمہریِ حیات تجھے کچھ خبر بھی هے
دیکھےگئے جو خواب سہانے کہاں گئے ؟
read more
جس نے مرے دل کو درد دیا
our
