وطن کی مٹی گواہ رہنا
وطن کی مٹی عظیم ہے تو
عظیم تر ہم بنا رہے ہیں
تیرے مغنی کی ہر صدا میں
تیری ہی خوشبو مہک رہی ہے
ہر ایک سر میں ہر ایک لے میں
تیری محبت چمک رہی ہے
وطن کی مٹی گواہ رہنا ۔۔۔۔۔۔ گواہ رہنا ۔۔۔۔۔
تیری زمیں کے یہ چاند تارے
ہے جن کی آنکھوں میں پیار تیرا
صداقتوں کے دِئیے جلا کر
بڑھا رہے ہیں وقار تیرا
وطن کی مٹی گواہ رہنا ۔۔۔۔۔ گواہ رہنا ۔۔۔۔۔
ہر ایک دل میں تیری لگن ہے
تیری ہی جانب ہر اک نظر ہے
تیری حفاظت کا عزم لے کر
ہر ایک اپنے محاذ پر ہے
وطن کی مٹی گواہ رہنا ۔۔۔۔۔۔ گواہ رہنا ۔۔۔۔۔۔۔
