ﺑﮯ ﭼﯿﻦ ﺳﺴﮑﺘﯽ ﺭﻭﺡ ﻣﺮﯼ

 ﺑﮯ ﭼﯿﻦ ﺳﺴﮑﺘﯽ ﺭﻭﺡ ﻣﺮﯼ

ﮐﯿﺎ ﺟﺎﻧﮯ ﮐﺲ ﮐﻮ ﮈﮬﻮﻧﮉﮬﺘﯽ ﮨﮯ

ﮐﯿﺎ ﺟﺎﻧﮯ ﮐﯿﻮﮞ ﮐﺮﻻﺗﯽ ﮨﮯ

ﺍﮎ ﮨﺠﺮ ﻣﺴﻠﺴﻞ ﮨﮯ ﮐﻮﺋﯽ

ﯾﺎ ﺭﻭﮒ ﺍﺯﻝ ﺳﮯ ﮨﮯ ﮐﻮﺋﯽ

ﺑﮯ ﭼﯿﻦ ﮨﮯ ﺟﯿﺴﮯ ﭘﺎﺭﮦ ﮨﻮ

ﮐﻮﺋﯽ ﭨﻮﭨﺎ ﺑﮑﮭﺮﺍ ﺗﺎﺭﺍ ﮨﻮ

ﺑﮯ ﺭﻧﮓ ﮨﮯ ﺟﯿﺴﮯ ﭘﺎﻧﯽ ﮨﻮ

ﯾﺎ ﺩﻭﺭ ﮐﮩﯿﮟ

ﺻﺤﺮﺍﺅﮞ ﮐﯽ

ﮐﻮﺋﯽ ﻭﺣﺸﺖ ﮨﻮ ، ﻭﯾﺮﺍﻧﯽ ﮨﻮ

ﯾﻮﮞ ﻣﺠﮫ ﻣﯿﮟ ﮨﮯ ،

ﮐﮧ ﮨﮯ ﮨﯽ ﻧﮩﯿﮟ

ﯾﮧ ﺟﺴﻢ ﺗﻮ ﮐﻮﺋﯽ ﺷﮯ ﮨﯽ ﻧﮩﯿﮟ

ﺟﻮ ﭼﮭﻮﮌ ﮐﮯ ﺑﮭﭩﮑﮯ ﺟﺎﺗﯽ ﮨﮯ

ﮨﺮ ﺭﮦ ﭘﮧ ﺍﭨﮑﮯ ﺟﺎﺗﯽ ﮨﮯ

ﮐﺒﮭﯽ ﻭﺣﺸﺖ ﺑﺎﻧﺪﮪ ﮐﮯ ﭘﯿﺮﻭﮞ ﻣﯿﮟ

ﯾﮧ ﻣﺴﺖ ﺩﮬﻤﺎﻟﯿﮟ ﮈﺍﻟﺘﯽ ﮨﮯ

ﮐﺒﮭﯽ ﺑﻠﮭﮯ ﺷﺎﮦ ﺑﻦ ﺟﺎﺗﯽ ﮨﮯ

ﮐﺒﮭﯽ ﮨﯿﺮ ﺑﻨﯽ ﮐﺮﻻﺗﯽ ﮨﮯ

ﮐﺒﮭﯽ ﺑﻦ ﮐﮯ ﮔﯿﻠﯽ ﻣﭩﯽ ﯾﮧ

ﺧﻮﺩ ﮐﻮﺯﮦ ﮔﺮ ﮐﻮ ﮈﮬﻮﻧﮉﺗﯽ ﮨﮯ

ﮐﺒﮭﯽ ﮐﻨﮉﻟﯽ ﻣﺎﺭ ﮐﮯ ﻟﻔﻈﻮﮞ ﮐﯽ

ﻣﺮﮮ ﺍﻧﺪﺭ ﯾﮧ ﭼﮭﭗ ﺟﺎﺗﯽ ﮨﮯ

ﮐﯿﺎ ﺑﺘﻼﺅﮞ

ﯾﮧ ﺭﻭﺡ ﻣﺮﯼ .....

ﺍﺏ ﺍﮐﺜﺮ ﺍﯾﺴﺎ ﮐﺮﺗﯽ ﮨﮯ

ﻣﯿﺮﮮ ﺟﺴﻢ ﮐﺎ ﭘﻨﺠﺮﮦ ﺗﻮﮌﺗﯽ ﮨﮯ

ﺍﻭﺭ ﺍﻭﮌﮪ ﮐﮯ ﺟﻮﮒ ﺑﺠﻮﮒ ﮐﻮﺋﯽ

ﮐﺒﮭﯽ ﺟﻨﮕﻞ ، ﺑﺴﺘﯽ ، ﺑﯿﻠﮯ ﻣﯿﮟ

ﺍﺱ ﺗﻨﮩﺎﺋﯽ ﮐﮯ ﻣﯿﻠﮯ ﻣﯿﮟ

ﮐﯿﺎ ﺟﺎﻧﮯ ﮐﺲ ﮐﻮ ﮈﮬﻮﻧﮉﺗﯽ ﮨﮯ

ﮐﯿﺎ ﺟﺎﻧﮯ ﮐﯿﻮﮞ ﮐﺮﻻﺗﯽ ﮨﮯ