میرا نام تھا جو اب تک وہ میرا نشاں نہیں ھے
میری زندگی جو گزری میری داستاں نہیں ھے
تیری کائناتِ کُل کا میں ھوں ایک ادنیٰ لمحہ
پھر بھی میری یہ کاوش یوں بے زباں نہیں ھے
ھر سانس میں پوشیدہ تیری داستانِ کُن ھے
مری دھڑکنوں میں پنہاں مری داستاں نہیں ھے
میں جیا ہوں کیسے ابتک مری انتہا میں کیا ہے
یہ بھی تیرا امتحاں ھے میرا امتحاں نہیں ھے
میری زندگی تبسّم ، اور موت قہقہہ ھے
اس کارواں کے آگے کوئی کارواں نہیں ھے
انمٹ نہیں یہ نقشے ، کئی بار چمن یہ اُجڑا
ان ہنستی بستیوں میں کوئی جاوداں نہیں ھے
محسن نقوی
