جون ایلیا کی زمین میں کچھ اشعار
مسئلہ ہے کوئی زبان میں کیا
کہہ رہا ہے تُو میرے کان میں کیا
کس کے آنسو زمیں پہ گرتے ہیں
،، کوئی رہتا ہے آسمان میں کیا ،،
پاؤں سر پر جو رکھ کے بھاگے ہو
ایسا دیکھا بھی اس مکان میں کیا
مرنے والے کی آخری حسرت
لوٹ آؤں گا پھر جہان میں کیا
زندگی کاش مسکرائے کبھی
پھول کھلتے نہیں چٹان میں کیا
چاند چھونے کا حوصلہ رکھنا
وقت لگتا نہیں اُڑان میں کیا
ساری سانسیں لُٹا چکا ارشد
اور دوں بھی اسے لگان میں کیا
ارشد محمود ارشد
