اس کو کہتے ہیں ترقی در و دیوار کے بیچ
در ہے دیوار میں دیوار ہے بازار کے بیچ
تم کہیں اور مری جان بسیرا کر لو
کوئی آسیب مکیں ہیں دلِ بیمار کے بیچ
خواب تو خواب ہیں اس جاگنے والے کی سدا
نیند بھی مرتی رہی دیدہء بیدار کے بیچ
دل کدورت بھرے سینے میں پڑا ہے اُس کا
سر پھنسا رکھا ہے کم ظرف نے دستار کے بیچ
تا قیامت یہ زیارت گہِ عالم رہے گی
کوئی پیغام نہیں آئے گا اب غار کے بیچ
آصف محمود آصف
read more
چھو کے تجھ کو میں بادِ صبا ہو جاؤں
our
