راس جب زندگی نہیں آتی
تو جگرؔ موت بھی نہیں آتی
چوٹ کھاتا نہیں ہے دل جب تک
روش زندگی نہیں آتی
ساتھ دیتی نہیں اگر تقدیر
راس تدبیر بھی نہیں آتی
دل کو جب تک لگے نہ کوئی بات
رنگ پر زندگی نہیں آتی
حسرت و یاس و غم سبھی دل میں
آتے ہیں اک خوشی نہیں آتی
ہجر ہے موت اور ہجر بغیر
عشق میں زندگی نہیں آتی
سمجھیں کیوں کر جگرؔ کا حال اچھا
رخ پہ جب تازگی نہیں آتی
جگر بریلوی
read more
وجہ الزام ہوگئے ہیں ہم
our
