عریاں لباس والے یہ خرقہ خرید لے

 عریاں لباس والے یہ خرقہ خرید لے

خوفِ خدا ہی والوں سے لرزہ خرید لے

قیمت ہے اک خلوص کہ سستا خرید لے

جنت کو جا رہا ہے یہ رستا خرید لے

تُو مانگ یا نہ مان پہ ضامن ہے رزق کا

وہ کیا ہوا خدا کہ جو سجدہ خرید لے

اک آپ ہیں کہ بیچتے ہیں اپنے آپ کو

ایسا کہاں سے لائوں جو مہنگا خرید لے

یہ میں کہ زر لٹا دیا سر بھی کٹا چکی

میرے لیے بھی سادہ سا قطبہ خرید لے

دریا کو زور ہے بڑا یہ شوق اور ہے

طوفاں ہے تیز تیز وے تنکا خرید لے

صحرا کو جانے والے سمندر بھی ساتھ لے 

آجا دکانِ عشق پہ خُطبہ خرید لے

اس آستاں پہ آ کہ یاں اعجازِ عشق ہے

دفتر سے یاں کے مست کے کاسہ خرید لے

تیری غزل میں کچھ نہیں مایوسی کے سوا

اے حوصلے کے شہر سے لہجہ خرید لے

 مقتل کی خاک بیٹھے ہو تم سر بھی کٹا کر

فرہاد اٹھ کے آ کہ یہ تیشہ خرید لے

بہتر یہی اداسی کی دلدل سے آ نکل

گُردہ نہ بیچ دل کا کلیجہ خرید لے

کہتی ہوں صاف صاف میں اردو زبان میں 

یہ عقل ایک چیز ہے اچھا خرید لے

کنز السُخن میں شہرو خزانے سے کم نہیں

میری کہی سے ایک بھی نکتہ خرید لے

شہرِ حسن