قرارِ دل ہوئے تم صنم راحت ہوئے تم
دلِ آزار کی اک حسیں چاہت ہوئے تم
مرادیں بر نہ آئیں کبھی غمگین دل کی
ادھوری جو ہے حسرت وہی منت ہوئے تم
مقدر میں مرے وقت کی ممتا نہیں تھی
نہیں جو کر سکی لاڈ وہ قسمت ہوئے تم
مکمل ہوتے ہم ساتھ گر ملتا تمہارا
دلِ غمگین کی یاد کی صورت ہوئے تم
نبھانے والے ہر حال میں چاہیں نبھانا
بہانے کر ہزاروں کہاں رخصت ہوئے تم
مجھے شاید لگی بخت کی ہے بد دعا جو
مرے دستِ طلب کی صنم حسرت ہوئے تم
زاہدہ خان صنم
