نعتِ رسول مقبول صلی اللّٰہ علیہ وآلہٖ وسلم

مت گزارو اُداس پل پل کو 

 حال اپنا سناؤ مُرسل ﷺ کو

 اُمَتّی کو اُمِید آقا ﷺ سے

جیسے گُل سے اُمِید بلبل کو

آپ ﷺ مشکل کشا ازل سے ہیں

رہنے کب دیں گے میری مشکل کو

خواب میں ہو مدینے کی گلی

چین آئے گا روحِ بسمل کو

ان ﷺکو قاسم بنایا خالق نے

مڑنے دیتے نہیں جو ساٸل کو

تیز طوفان ہے سمندر میں 

پاسبانی کا کہہ دیں ساحل کو

 دھوپ اَلماس پر ہے فرقت کی

سائباں کر دیں وصلِ کامل کو

ثناگر رسول

علامہ اَلِماسُ عباسی لاڑکانہ