گرانئ شب ہجراں دو چند کیا کرتے 

علاج درد ترے دردمند کیا کرتے 

وہیں لگی ہے جو نازک مقام تھے دل کے

یہ فرق دست عدو کے گ بد کیا کرتے 

جگہ جگہ پہ تھے ناصح تو کو بکو دلبر 

انہیں پسند، انہیں نا پسند کیا کرتے 

ہمیں نے روک لیا پنجہ جنوں ورنہ 

ہمیں اسیر یہ کوتہ کمند کیا کرتے 

جنہیں خبر تھی کہ شرط نو گری کیا ہے 

وہ خوش نوا گلہ قید و بند کیا کرتے 

گلوئے عشق کو دارورسن پہنچ نہ سکے 

تو لوٹ آئے ترے سر بلند ، کیا کرتے

 فیض احمد فیض 

semore

کچھ بات ہے کہ خیال یار آیا

مرے بس میں کاش یارب وہ سِتم شعار ہوتا