ذبانِ حال سے کہتی ھے ، کربلا کی زمیں

 ذبانِ حال سے کہتی ھے ، کربلا کی زمیں

خدا کےبندوں پہ کیوں تنگ ھےخدا کی زمیں

رہیں ادب کے تقاضے ، ہمیشہ پیشِ نظر

فلک جناب ھے خاصانِ با صفا کی زمیں

دہانِ ذرّہ جہاں کھول دے ، زبانِ سوال

ہزار گنج بکف ھے وہاں ، عطا کی زمیں

فلک کی آنکھ میں ترسیلِ گرد سے یہ کھلا

جوابِ ظلم پہ مجبور ھے ، خدا کی زمیں

مزا تو جب ھےکہ میں سر کےبَل وہاں پہنچوں

نہ آئے زیرِ قدم ، تیرے نقشِ پاء کی زمیں

یہاں بھی قافلہِ عرشِ سیر ، اترا تھا

یہ کہہ رہی ھےتیرےشہرِ جاں فزا کی زمیں

علی عہ نے جب سے لقب ، بُوتراب کا پایا

کمالِ شوق سے ھے وجد میں خدا کی زمیں

کسی کی آخری ہچکی نہ تھی ، قیامت تھی

ھو جیسےآج بھی سَکتےمیں کربلا کی زمیں

صد آفریں تجھے اے شوق، کیا نکالی ھے

بیانِ کرب و بلا کے لئے ، بَلا کی زمیں

کبھی پنپ نہیں سکتا نصیر ، نخلِ اثر

نہ ھو جو آبِ ندامت سے تَر دُعا کی زمیں

۔۔۔۔۔ پیر نصیر الدین نصیر رح ۔۔۔۔۔