نعتِ رسولِ اکرم صلی اللہ علیہ وسلم جس کی حرمت کی مرے رب نے قسم کھائی ہے میرا دل بھی اُسی محبوب کا سودائی ہے میری آنکھوں کی یہ حسرت کہ مدینہ دیکھیں دل مرا شہرِ محمد کا تمنّائی ہے مٹ گیا سارے زمانے کا اندھیرا آقا روشنی وہ ترے کردار نے پھیلائی ہے کوئی دیکھے مرے محبوب کا یہ جود و کرم حق میں دُشمن کے دعا آپ نے فرمائی ہے سنبل و نرگس و لالہ میں کہاں وہ خوشبو میرے شاہا جو تری زلف میں در آئی ہے پھر رہا ہوں میں بڑے شوق سے اتراتا ہوا خواب میں سید ابرار کی انگنائی ہے پھر وہ محتاج زمانے میں کسی کا بھی نہیں جس نے جھولی تری سرکار سے بھر لائی ہے چاند سورج ہی نہیں عالمِ امکاں میں حفیظ " ذرے ذرے نے محمد کی ضیاء پائی ہے " حفیظ مینا نگری
