میرے محبُوب، میری جانِ غزل، شانِ غزل

کتنا زیبا ہے تیرے واسطے عُنوانِ غزل

میرے دِلدار ہے تیرے لیۓ میدانِ غزل

جُز تیرے اور نہیں کوئی بھی شایانِ غزل

ہے تیرے دم سے یہ گُلہاۓ مضامیں کی بہار

تُو نہ ہوتا تو تہی رہتا یہ دامانِ غزل

چشم و ابرُو، لب و رُخسار کہ قد و گیسُو

اِنھیں گُل بوٹوں سے سجتا ہے گُلستانِ غزل

ناز و انداز و ادا، حُسن و شبابِ دِلبّر

یہ میری پریّاں ہیں اور میں ہوں سُلیمانِ غزل

آرزُو، جُستجُو، ارمان، تمّنا، حسرت

شُکر و شکوہ، غم و شادی ہیں یہ ارکانِ غزل

حُسنِ جاناں ہے تیرا پورے ادّب پر احساں

تو ہی معبُودِ غزل ہے، تو ہی ایمانِ غزل

دل صد چاک کے شانہ سے سنوارا ہے اِنھیں

تیرے گیسُو نہیں ہے زُلفِ پریشانِ غزل

مے و معشُوق کبھی اس میں جلوہ فرما

داغِ حسرت ہیں کبھی شمعِ شبستانِ غزل

وصل اور ہجر کے جس دل نے اُٹھاۓ ہوں مزّے

وہ سمجھ سکتا ہے کیا چیز ہے میجانِ غزل

کُوچہ گردی نہیں کی جوشِ جُنوں میں جس نے

کیا بھلا خاک ہو وہ سلسلہ جنبانِ غزل

جس نے کھائی ہی نہیں چوٹ نظر کی دل پر

اُس کا پورا نہیں ہوتا کبھی ارمانِ غزل

ہم سمجھتے ہیں مزاج اُس کا مُحبّت والے

ہم نے چھانے ہوۓ ہیں دّشت و بیابانِ غزل

بات معشُوق کی جب دل کو کوئی لگتی ہے

خود بخود اُمڈا چلا آتا ہے طوفانِ غزل

تیرا احساں ہے بہر طور جفاء کر کہ وفاء

ہر دو صُورت میں بہم ہوتا ہے سامانِ غزل

ایک مُدّت ہوئی برباد ہوا خانۂِ دل

اب سجایا ہے تیرے بسنے کو ایوانِ غزل

لوگ اس دُھن میں ہیں اے خارؔ تغّزُل مٹ جاۓ

ہم کو یہ فِکّر کسی طور رہے آنِ غزل

read more

ہماری نیند ہے پوری نہ خواب

our